உணவு கலப் படத்தை கண்டறிதல்
1. வாழைப்பழம் :
கலப்பட பொருள் :
கால்சியம் கார்பைடு - பழுக்க வைக்கப் பயன்படுகிறது.
கண்டறிதல் :
முதிர்ச்சியடையும் வாழைக்காய் மஞ்சள் நிறத்திற்கு பதிலாக பச்சையாக காணப்படும்.
உடல்நலக் கேடுகள் :
புற்றுநோய், சீரண உறுப்புகள் பாதிக்கப்படும், கல்லீரல் பாதிப்பு.
2 . ஆப்பிள் :
கலப்பட பொருள் :
மெழுகு பூச்சு செல்லாக் அல்லது கார்னோ மெழுகு.
கண்டறிதல் :
ஆப்பிள் பார்ப்பதற்கு பளபளப்பாக இருக்கும். அதனை சுரண்டி னால் மெழுகு உரிவதைப் பார்க்கலாம்.
உடல்நலக் கேடுகள் :
சீரண கோளாறுகள், அழற்சி, வாயு தொல்லை.
3. மாம்பழம் :
கலப்பட பொருள் :
கால்சியம் கார்பைடு - பழுக்க வைக்கப் பயன்படுத்துவது.
கண்டறிதல் :
மாம் பழத்தின் நிறம் ஒரே சீராக காணப்படும். பழங்கள் வைத்திருக்கும் இடத்தில் பச்சையாக இருக்கும்.
உடல்நலக் கேடுகள் :
தலைவலி, மயக்கம், வாந்தி, நரம்பு பிரச்சினை
4. பச்சை காய்கறி, பாகற்காய், பச்சை மிளகாய் :
கலப்பட பொருள்:
மாலசைட் பச்சை
கண்டறிதல்:
காய்கறிகளை ஒரு ஒன்று காகிதத்தில் ஒற்றி எடுத்தால் நிறங்கள் தெரியும்.
உடல்நலக் கேடு :
புற்றுநோய்
5. உப்பு :
கலப்பட பொருள் :
சுண்ணாம்பு
கண்டறிதல்
சிறிதளவு உப்பினை எடுத்து நீர் ஊற்றி கரைசலாக்கி கொள்ள வேண்டும். சுண்ணாம்பு சேர்ந்திருந்தால் கரைசல் வெண்மையாக மாறும்.
உடல்நலக் கேடு :
வாயு தொல்லை
6. மிளகாய் தூள் :
கலப்பட பொருள் :
செங்கல் பொடி
கண்டறிதல்;
சிறிதளவு பொடி எடுத்து நீரில் கரைத்தால் செங்கல் பொடி நீரின் அடியில் தங்கிவிடும். மிளகாய் தூள் மிதக்கும்.
உடல்நலக் கேடுகள் :
பார்வை குறைபாடு, சுவாசக் கோளாறு, சீரண கோளாறு.
7. தேயிலை :
கலப்பட பொருள் :
நிலக்கரி தார்
கண்டறிதல் :
ஒற்று காகிதத்தில் தேயிலைத் தூள் தூவி விட்டால் நிறப் புள்ளிகள் தோன்றினால் கலப் படத்தை குறிக்கும்.
8. ஐஸ்கிரீம் :
கலப்பட பொருள்:
சலவைத் தூள்
கண்டறிதல் :
சிறிய அளவிலான ஐஸ்கிரீம் எடுத்து சில துளிகள் எலுமிச்சை சாறு சேர்த்தால் நுரை தோன்றினால் சலவைத் தூள் கலப்படம் செய்யப்பட்டது என்பதை அறியலாம்.
உடல்நலக் கேடுகள் :
தீவிர வயிற்று போக்கு, கல்லீரல் பிரச்சனைகள்.
கருத்துகள்
கருத்துரையிடுக